У Вільні абураныя дзеяннямі беларускіх уладаў (фота)

Сёння каля беларускага пасольства ў Вільні сабраліся беларусы-віленчукі, студэнты і выкладчыкі ЕГУ, літоўцы, якім неабыякавы лёс затрыманых 19 снежня ў Мінску.

Сабраўшыеся трымалі спіс затрыманых напярэдадні ў Мінску. Сярод іх нямала студэнтаў і выкладчыкаў ЕГУ.

Літоўскія паліцэйскія не перашкаджалі несанкцыянаванаму мітынгу, аднак папрасілі прысутных падзяліцца на групы па дзевяць чалавек.

Падтрымаць Уладзіміра Някляева, паэта і цяпер ужо былога кандыдата ў прэзідэнты, прыйшлі яго калегі з літоўскага Саюза пісьменнікаў разам са старынёй саюзу Йонасам Ліняўскасам.

Студэнты ЕГУ перадалі ў пасольства Беларусі ў Літве спісы затрыманых 19 снежня ў Мінску і петыцыю з патрабаваннем справядлівага суда над затрыманымі.

Ніхто з прадстаўнікоў пасольства да пратэстуючых не выйшаў.

Ларыса Шапавалава